بلوچستــان چـه وتــی مزاريـں پسگـــانی زگـريں هوناں سـُهــرانت. دزآپ (زاهدان) ءُ شال ( کویٹه) ءِ جاور ءُ هال مروچاں مياں استمانی میڈياے ءِ هاس تريں هال اَنــت. ماں دزآپ ءَ بلوچ سرمچاراں شهيد عبدالباسط جان ريگی ءُ پلیں شهيد محمد جان ريگی، ڈًنــّی رستران ءُ ايران ءِ مافيايی پاسداران ءَ هما درس دات که هونواريں خامنه ای ءِ پـُردوتيــں ريش ماں تهران ءَ جکست ءُ آيی ءِ جـِنــد چـه کـُوچـَنــڈگ ءَ پـَـچ درهــِت

سرمچارشهيد عبدالمالک ريگــی هزاراں بلوچ شهيد ءِ پيما وت ءَ را په کوم ( بلوچ) ءُ وطن ( بلوچستان) ءَ فدا کرت ءُ آيی ءِ سرمچــاری ءُ بـُرزيں نـام ماں بلوچ ءُ بلوچستان ءِ راجدپتر ءَ ابدمان بوت. . شهيد عبدالمالک بلوچ چه نوک ورنايی ءَ گوں بلوچستان ءِ باز نگيگیں جاورانی گندگ ءُ مــارگ ءَ سرپد بوت که مئے تاريخی دژمن بزاں تهران ءِ بالادستيں فاشيستی حاکم بلوچ کوم ءَ بنديگ کتگ ءُ په مئے سرزمين ءِ وتيگـی کنگ ءَ مئے ورنا ءُ پير، کسان ءُ مزں تن تن گوانزگی تبلاں کشنت

هونواريں پاسداران ءِ هالرسان هال دات که دو بلوچ ورنا امان‌الله پوريان پرزند ملنگ و يونس رحماني پرزند رئيس ماں دزآپ ءِ بنجاهی بنديجاه ءَ يکشمبه ءِ بامگاه ءَ پاهو ديگ بوتنت. اے بے گناهيں بلوچ ورنايانی جرم « محارب و مفسد في‌الارض » جار جنگ بوتگ که بے بنيات ءُ وتسريـں حکومت ءِ اڈ کتگيں جرم انت. تهران ءِ رستری هکومت بلوچ، کورد، عرب، آذری، ترکمن ءُ لــُـر ورنايان هر روچ کشيت ءُ جار جنت که آهان « محارب و مفسد في‌الارض » انت.

بلـــوچ کميـــونيٹـــی ـ ناروے ءَ پرســـی ديوانـــے پـــه شهيـــد عبدالحميـــد ريگـــی ءَ بـــرجـــاه داشـــت. ديـــوان ءِ بهـــرزوروکــاں شهيـــد عبدالحميـــد ءِ پاهـــوديـــگءَ ايرجـــت ءُ وتـــی دلپـــدردی اِش درشـــاں کـــرت. مـــاں همـــے ديـــوان ءَ پيسلـــه بـــوت که عبدالحميـــد ريگـــی ءِ شهيـــد کنـــگ ايـــران ءِ فاشيستیـــں ريـــاست ءِ تروريستـــی کـــارے انــت ءُ ميـــاں استمانــی کانـــود ءِ ردا اے رياستـــی تروريســـم انت

ما بلوچستان دالبنڈین شهرا دو کسانین جنک گوهار رافض هیالین زوراکیان آماچ بیتتنت. اے دوئین جنک گوشگ بیت عمرش 11 و 13 سال ایگنت کے رافض هیالین مللایان ایانی دیما پا لوگء رواگا گرنت و اے دوئین جنکانی دیما تیزاپ ریچانت. هال رستگ کے دوئین جنکانء پا علاج و درمان بلوچستان ء مرکزی شهر کویٹه راهی دیگ بوتگنت.

آ روچ نزیک بيــان انت که زالم ءُ ھونواریں آخوند خامنه ای ءُ تهران ءِ انسان دژمنيں هکومـت ءِ آدگه وتسريــں مافيايی سروک ، زلم دیستگیں مردم ءُ ایر دستیں راجانی دیما وتی رستری کارکردانی جـواباں بدينــت۔

جنبش مردمی جندالله ءَ ماں شنگ گتگيں جـارے هال دات که باز انت بلوچستان ءِ بيگناهيں ورناياں که ماں حکومت ءِ کورچاتان ازابانی چير انت. شانزده نپر چه همـے بلوچ ورناياں حاجی خدابخش سمالزهی (شه بخش) ءِ سياد ءُ وارس انت که بيد هچ جرمے ءَ بنديگ انت. شهيد شاپورشه بخش واجه غلامعلی ءِ بـچ ءُ شهيد شيرمحمد شه بخش واجه ميرزا ے ءِ چـک رستريں هکومتی شزاديوکانی دست ءَ شهيد بوتگنت.

۱۳۸۸ءِ سال بلوچءِ واستا هنچوش که پیسریگین سالان یکے چه سیاهترین سالان ات.اے سال هن گون بازین اڑءُ جنجالان گوست. گوستگین سالا سدانی هسابءِ بلوچ مان ایرانی اسلامی رژیمے هونوارین و نا انساپ پسندین هکومتے واکانی دستا شهید و بازین مات و پتے چه وتی چوک و هنچوش بازین چوکے چه وتی پت ءُ مات سوگیءُ زبهر کنگ بوتک انت.