بلوچستان کے سابق گورنر، سابق وزیر اعلی ، بلوچ قبائلی سردار نواب محمد اکبر خان بگٹی کی چوتھی برسی آج عقیدت و احترام سے منائی جا رہی ہے۔ اس موقع پر صوبہ بھر میں پہیہ جام اور شٹرڈاون ہڑتال ہے ـ نواب محمد اکبر خان بگٹی پرویز مشرف کے فوجی دور حکومت میں چھبیس اگست سنہ دو ہزار چھ کو بلوچستان میں جاری فوجی آپریشن کے دوران ڈیرہ بگٹی کے پہاڑی علاقے ترتانی میں پاکستانی سیکورٹی فورسز کے ساتھ ایک مقابلے میں اپنے ساتھیوں کے ہمراہ ہلاک ہو گئے تھے۔

صوبہ بلوچستان میں دو مختلف واقعات میں سولہ افراد ہلاک اور دو زخمی ہو گئے ہیں۔ پہلا واقعہ ضلع بولان میں نامعلوم افراد کی مسافر بس پر فائرنگ کے نتیجے میں سکیورٹی فورسز کے پانچ اہلکاروں سمیت دس افراد ہلاک اور دو زخمی ہو گئے ہیں۔ دوسرا واقعہ کوئٹہ کے علاقے غوث آباد میں پیش آیا جہاں نامعلوم موٹرسائیکل سواروں کے فائرنگ سے چھ مزدور ہلاک ہوئے ہیں

وفاقی وزیر داخلہ رحمان ملک کا کہنا ہے کہ صوبہ بلوچستان سے اب تک ایک لاکھ آباد کار نقل مکانی کر چکے ہیں۔

پارلیمان کے ایوان بالا یا سینٹ میں بلوچستان کی صورتحال پر پالیسی بیان دیتے ہوئے ان کا کہنا تھا کہ حالات کی خرابی میں خفیہ ہاتھ ہے۔ البتہ انہوں نے واضح نہیں کیا کہ اس سے ان کی مراد کیا ہے۔ ان کا کہنا تھا کہ جہاں بھی قانون کی خلاف ورزی ہوگی وہاں کارروائی ہوگ

پاکستان کے صوبہ بلوچستان کے دوردراز علاقوں میں مون سون کی بارش نے تباہی مچا دی ہے جس کی وجہ سے ستائیس افراد پانی میں بہہ گئے ہیں جن میں سے آٹھ افراد کی لاشیں نکال دی گئیں۔

بلوچستان کے زمینداروں نے کہا ہے کہ جب تک صوبے کے دیہی علاقوں میں بارہ سے پندرہ گھنٹے تک بجلی فراہم نہیں کی جائے گی اس وقت تک بلوچستان کے راستے افغانستان میں نیٹو افواج کے لیے سازوسامان کی سپلائی بند رہے گی۔ دوسری جانب واپڈا حکام نے زمینداروں کو یقین دہانی کرائی ہے کہ گدو سے بلوچستان کے لیے بجلی کی سپلائی کے مین لائن کی مرمت کا کام جاری ہے اور امکان ہے کہ ایک ہفتے تک صوبے میں بجلی کی صورتحال بہترہوجائے گی۔

بلوچستان میں لاپتہ بلوچوں کے لواحقین نے کہا ہے کہ پاکستان میں ابھی تک عدلیہ آزاد نہیں ہوئی ہے جس کے باعث لواحقین آج بھی عدالتوں کے سامنے احتجاج کرنے پر مجبور ہیں لواحقین نے عدلیہ سے مطالبہ کیا کہ لاپتہ افراد کومنظر عام پر لانے وہ اپناکردار ادا کرے ـ کوئٹہ سے بی بی سی کے نامہ نگار ایوب ترین کے مطابق لاپتہ بلوچوں کی آواز ’وائس فار بلوچ مسنگ پرسنز‘ کے زیراہتمام جمعہ کوکوئٹہ میں بلوچستان ہائی کورٹ کے سامنے ایک احتجاجی مظاہرہ ہوا جس میں خواتین اور بچوں کی بڑی تعدا د نے شرکت کی

جنداللہ کے سربراہ عبدالمالک ریگی کو فروری میں گرفتار کیا تھا۔گرفتاری کے بعد ایران نے پاکستان کے ساتھ سرحد دوبارہ کھول دی تھی۔ بلوچستان میں گزشتہ تین روز میں ایرانی فورسز نے پاکستانی حدود میں لوگوں پر فائرنگ اور آنسوگیس کا استعمال کیا ہے۔ بلوچستان اسمبلی نے ایرانی سرحدی فورسز کی جانب سے پاکستانی حدود میں کارروائی کی مذمت کی ہے اور وفاقی حکومت سے مطالبہ کیا ہے کہ ایرانی سفیر کو وزارت داخلہ طلب کرکے صورتحال سے آگاہ کیا جائے۔

ایران کے سرکاری ذرائع ابلاغ کا کہنا ہے کہ سنّی شدت پسند تنظیم جند اللہ کے سربراہ عبدالمالک ریگی کو سزائے موت دے دی گئی ہے۔

عبدالمالک ریگی پر ایران کے صوبہ سیستان بلوچستان میں بم دھماکے کرنے، ایرانی سکیورٹی فورسز کو نشانہ بنانے اور برطانیہ اور امریکہ کے ایجنٹ ہونے کے الزامات عائد کیے گئے تھے۔

چیف جسٹس آف پاکستان جسٹس افتخار محمد چوہدری کی کوئٹہ آمد کے موقع پر بلوچ وکلاء نے کوئٹہ سمیت بلوچستان بھر میں عدالتوں کا بائیکاٹ کیا ہے۔

چیف جسٹس قومی جوڈیشل پالیسی کمیٹی کے اجلاس میں شرکت کے لیے جمعہ کو کوئٹہ پہنچ رہے ہیں اور ان کی آمد پر بلوچ بار ایسوسی ایشن نے ہڑتال کی اپیل کی تھی۔